ما زالت طالبة أسيوط، متصدرة التريند، بعد تداول فيديو الرقص لها خلال حفل تخرجها من كلية التربية الرياضية جامعة أسيوط.
لم تصمت الطالبة كثيرًا حتى خرج للدفاع عن نفسها في فيديو عبر صفحتها الشخصية، على “فيسبوك”، وقالت: “هو إيه الفرق بين الأفراح وحفلات التخرّج؟ ما كله بيهزّ وفي بنات طلعت هزت جسمها كله.. أنا رقصت رقص عادي ومسموش رقص أصلًا، ليه البنات مخدوش التريند”.
طالبة أسيوط تدافع عن نفسها
وأضافت فتاة جامعة أسيوط: “مكنتش أقصد التريند، أنا فرحتي كانت فرحة عادية، كنت وسط أهلي وأصحابي وفرحانين بيا، لكن الناس استغلت اللي حصل وشهّروا بيا.. وبالمناسبة أنا بفتخر بكليتي والدكاترة وهما ملهمش ذنب في أي حاجة”.
وتابعت خريجة كلية التربية الرياضية بأسيوط “البنات هما السبب وقصدوا يغلطوا فيا ويستغلوني.. ركزي في حياتك يا حبيبتي، الدنيا بتلفّ وهيتقال عليكي أضعاف اللي قولتيه عليا.. فجأة كلكوا بقيتوا شيوخ وبتكلموني في الحلال والحرام.. مش بتهاجموا ليه اللي بتقلع الحجاب في فرحها ولا اللي بتتصور بالروب؟”
واختتمت “أنا رقصي مش ملفت والولاد زي ما موجودين في حفلة التخرج موجودين بردوا في الأفراح وفي كل حتة.. أنا مبعملش حاجة في الخفاء، وعندي أبويا وإخواتي رجالة يسدّوا عين الشمس، ومش من حق حد يتكلم في أخلاقي، رقصي مكنش ملفت.. ليه اتشتم واتهان بدون سبب.. أنا خصيمة أي حدّ اتكلم في عرضي وشرفي وهتخذ كل الإجراءات القانونية”.